நா நெகிழ் பயிற்சி பகுதி-3 (Tamil Tongue Twisters Part-3)

reganadmin24071990 | March 12, 2015 | 3 | வேடிக்கை

tiger
photo credit: LICK NOSE via photopin (license)

 

நா நெகிழ் வாக்கியங்கள் பகுதி ஒன்று, இரண்டு.

நா நெகிழ் வாங்கியங்கள் படிப்பதற்கு கடினமாக இருப்பதுடன் பொருள் பொதிந்தும், மனப்பாடம் செய்வதற்கு கஷ்டமாகவும் மற்றும் கொஞ்சம் வேடிக்கையாகவும் இருக்கவேண்டும். அந்த வகையில் பின்வரும் நா நெகிழ் வாங்கியங்களை எழுதியுள்ளேன். நா பிறழாமல் படிக்கவும், மனப்பாடம் செய்து ஒப்பித்துப் பார்க்கவும் முயற்சி செய்து பாருங்கள்.

  1. கல்லு முள்ளு தாண்டி மெல்ல வெல்ல ஏகும் நல்ல செல்லப் பிள்ளையே, நில்லு சொல்லு செல்லு.
  2. ஏணி மேல கோணி, கோணி மேல குண்டு, குண்டு மேல புல்லு, புல்லுக்குள்ள பூச்சி, எது எனக் கேட்ட ஆச்சி விட்டது ஆயுள் மூச்சி.
  3. காலம் நல்ல காலம். நல்ல நல்ல நாளும் மெல்ல மெல்ல நாளும் நம்மை வந்து சேரும் என எண்ணி எண்ணி நாளும் போடு நல்ல தாளம்.
  4. மருமகள் மாமியார்கிட்ட நான்தான்டி உனக்கு மாமியார்ன்னு சொன்னாளாம். மருமகள் மாமியார் ஆகியும் மாமியார் மருமகள் ஆகியும், மாமியார் மருமகள் சண்டை ஓயலையாம்.
  5. லகர ளகரமும் ழகர லகரமும் றகர ழகரமும் பழக்கத்தில் புழக்கத்தில் இருந்தாலும் குழந்தைகள் பேசும்போது வழ கொழ பேச்சாத்தான் இருக்கும்.
  6. வாழ வழியத்து பீதி அடைந்த வைத்தி சம்பாதிக்க நேர்த்தியான வழி பார்த்து, பார்த்தியிடம் தன் கதிக்கு வழி கேட்க, பார்த்தி செய்த சதியால் வைத்தி கைதியானான்.
  7. வழக்கமாக ழான்னு சொன்னா குழறறதால குழந்தை குழந்தைன்னு சொல்லக்கூட குழறுது. குழந்தைய குழவின்னு குழையாம குழந்தைன்னுதானே கொஞ்சிக் குழையறோம்? குழந்தைன்னு சொல்லவே குழறற குழவி குழவின்னு சொன்னாலும் குழறும்.
  8. வளவன் மிக நல்லவன் மற்றும் வல்லவன் எனச்சொன்னவன் வளவனே மிக மிகச் சின்னவன் எனச் சொல்வதில் வல்லவன்.
  9. சட்டையை கழற்றி சுழற்றி சுழற்றி வீசி வந்த மொட்டையன் கால்தடுக்கி விழுந்து கைலாசம் போனதைப் பார்த்த சொட்டையன் பதறியடித்து வந்து கதறி கதறி அழுதான்.
  10. அப்ப அப்ப வந்து வந்து சந்துல சிந்து பாடிய சிந்துவ நந்து வந்து பொந்துல இருக்குற பாம்பு எழுந்து வந்துரும் நீ வந்து கம்முனு குந்துன்னானாம்.

இந்த நா நெகிழ் பயிற்சி உங்களுக்கு பயனுள்ளதாக இருந்திருக்கும் என நம்புகிறேன். அடுத்த பதிவில் சந்திப்போம்.

நன்றி. வணக்கம். நா நெகிழ் பயிற்சி பகுதி-3 (Tamil Tongue Twisters Part-3) 1

Related Posts

elephant-horse-riding

ஆன மேல போறவன் அந்துகாலன், குதிர மேல…

reganadmin24071990 | October 28, 2014 | 6

இந்த சமுதாயத்தில் மனிதர்களுக்கு பட்டப் பெயர் வைப்பது இயல்பான ஒரு விஷயம். மனிதர்கள் தங்கள் திறமைகள் அல்லது சாதனைகளுக்கு ஏற்ப புனைப்பெயர் வைத்து மக்களால் அழைக்கப்படுகின்றனர். ஆனால் எதையும் கிழிக்காமல் தங்களுக்குத் தாங்களாகவே புனைப்பெயர் வைத்துக் கொள்பவர்களும் இருக்கிறார்கள். வேடிக்கை மற்றும்…

Gods Watching Serials

உலகம் எப்படி இப்படி?

reganadmin24071990 | October 21, 2014 | 2

குறிப்பு: இது ஒரு கற்பனைக் கதை. யார் மனதையும் புண்படுத்துவதற்காக எழுதப்பட்டது அல்ல. ஒரு நாள் கடவுளுக்கு தான் தனியாக இருப்பதைப் போன்று ஒரு உணர்வு வந்தது. அதுவும் உண்மைதான். ஏனெனில் இந்த அண்ட சராசரத்தில் அவர் மட்டுமே தனியாக இருந்தார்.…

3
Leave a Reply

avatar
2 Comment threads
1 Thread replies
0 Followers
 
Most reacted comment
Hottest comment thread
3 Comment authors
திண்டுக்கல் தனபாலன்மரிய ரீகன் ஜோன்ஸ்Vimalraj Recent comment authors
  Subscribe  
newest oldest most voted
Notify of
Vimalraj
Guest
Vimalraj

வணக்கம் ! ரீகன் !
நலம்! உன்னுடைய படைப்புகளை வரவேற்கிறேன் !

திண்டுக்கல் தனபாலன்
Guest
திண்டுக்கல் தனபாலன்

யம்மாடி…! ஐந்தும் ஏழும் சிறிது சிரமம் தான்….!

Archives

Find me on Twitter

Content Protected

மின்னஞ்சல் வழியாக பின்பற்ற
Follow Via Email

உறுப்பினராக இணைந்து புதிய பதிவுகளை உடனுக்குடன் உங்கள் மின்னஞ்சலிலேயே பெற்றிடுங்கள்.